the Peterborough Chronicle second continuation 1154

1154

On t`is gaer waerd t`e king Stephne ded 7 bebyried t`er. his wif 7 his sune waeron bebyried aet Fauresfeld. t`aet minster hi makeden. T`a t`e king was ded. t`a was t`e eorl beionde sae. 7 ne durste nan man don ot`er bute god for t`e micel eie of him. T`a he to Engleland com. t`a was he underfangen mid micel wurtscipe. 7 to king bletcaed in Lundene on t`e sunnen daei beforen midwinter daei. 7 held t`aer micel curt. T`at ilce daei t`at Martin abbod of Burch sculde t`ider faren. t`a saeclede he 7 ward ded iiii Nonae Ianuarii. 7 te munekes innen daeis cusen ot`er of heom saelf. Willelm de Walteuile is gehaten. god clerc 7 god man. 7 wael luued of t`e kinge 7 of alle gode men. 7 on cyricen byrieden t`abbot hehlice; 7 sone t`e cosan abbod ferde 7 te muneces mid him to Oxenforde to t`e king 7 he iaf him t`at abbodrice. 7 he ferde him sone to Lincol 7 was t`aer bletcaed to abbot aer he ham come. 7 sithen was underfangen mid micel wurtscipe at Burch. mid micel processiun. 7 sua he was alsua at Ramesaeie. 7 at Torn. 7 at 7 Spall 7 at Sancte I. beres. 7 nu is abbot. 7 fair haued begunnon. Cristes him unne t`us enden!