The Ormulum Homily vii/viii v 3264-3426
original text
view normalised textNu wile icc here shaewenn y`uw;
Off ure laffdiy` mary`e.
Off - hu y`ho barr t`e laferrd crist;
Att hire rihhte time.
Swa t`att y`ho t`ohh t`aeraffterr wass;
Ay`y` may`y`denn t`weorrt űt clene!
vii. Secundum lucam. Exíít edictum.
An romanisshe key`y`seking.
Wass augusstuss y`ehatenn.
& he wass wurrt`enn key`y`seking;
Off all mannkinn onn eort`e.
& he gann t`ennkenn off himm sellf;
& off hiss miccle riche.
& he bigann to t`ennkenn t`a;
Swa sum t`e boc uss kit`et`t`.
Off - t`att he wollde witenn wel;
Hu mikell fehh himm come.
Y`iff himm off all hiss kine|dom;
Illc mann an peninng y`aefe.
& he badd settenn upp o writt;
All mannkinn forr to lokenn.
Hu mikell fehh he mihhte swa;
Off all t`e weorelld sammnenn.
T`urrh t`att himm shollde off illc an mann;
An pening wurrt`enn reccnedd.
& ta wass sett tatt iwhillc mann.
Whaer summ he waere o lande.
Ham shollde wendenn to t`att tun;
T`att he wass borenn inne.
& tatt he shollde t`aer forr himm;
Hiss haefeddpeninng reccnenn.
Swa t`att he y`aen t`e key`y`seking.
Ne felle nohht i wíte.
& i t`att illke time wass;
Iosaep wit`t` sannte mary`e.
I galilew. & i t`att tun;
T`att nazaraet` wass nemmnedd.
& ta d`ey`y` bat`e forenn ham;
Till t`ey`y`re bat`re kinde.
Inntill t`e land off y`errsalaem;
T`ey`y` forenn samenn bat`e.
& comenn inntill bet`t`leaem;
Till t`ey`y`re bat`re birde.
T`aer wass hemm bat`e birde to;
Forr t`att tey`y` bat`e waerenn.
Off dauit`t` kingess kinness menn.
Swa summ t`e goddspell kit`et`t`.
& dauit`t` kingess birde wass;
I bet`t`leaemess chesstre.
& hemm wass bat`e birde t`aer;
T`urrh dauit`t` kingess birde.
Forr t`att tey`y` waerenn off hiss kinn;
& himm full neh bitahhte.
& sannte mary`ess time wass;
T`att y`ho t`a shollde childenn.
& taer y`ho barr allmahhtiy` godd;
D`att all t`iss weorelld wrohhte.
& wand himm sone i winndeclűt;
& ley`y`de himm inn a cribbe.
Forrt`i t`att y`ho ne wisste whaer;
Y`ho mihhte himm don i bure.
& tohh t`att godd wass borenn t`aer.
Swa daernelike onn eort`e.
& wundenn t`aer swa wreccheliy`.
Wit`t` clutess inn a cribbe;
Ne wollde he nohht forrholenn ben.
T`ohhwhet`t`re i t`ey`y`re clutess.
Acc wollde shaewenn whatt he wass;
T`urrh heofenlike takenn.
Forr sone anan affterr t`att he.
Wass borenn t`aer to manne;
T`aer onnfasst i t`att illke land.
Wass | sey`h`enn mikell takenn.
An enngell comm off heoffness aerd;
Inn aness weress hewe.
Till hirdess t`aer t`aer t`ey`y` t`att nihht;
Biwokenn t`ey`y`re faldess.
T`att enngell comm. & stod hemm bi;
Wit`t` heoffness lihht. & leome.
& forrt`rihht summ t`ey`y` saey`h`enn himm;
T`ey`y` wurrdenn swid`e offdredde.
& godess enngell hemm bigann;
To frofrenn. & to beldenn.
& sey`y`de hemm t`uss o godess hallf;
Wit`t` swit`e milde spaeche.
Ne beo y`e nohht forrdredde off me;
Acc beo y`e swit`e blit`e.
Forr icc amm sennd off heoffness aerd;
To kit`enn godess wille.
To kit`enn y`uw t`att all follc iss;
Nu cumenn mikell blisse.
Forr y`uw iss borenn nu to day`y`;
Haelennde off y`ure sinness.
An wennchell t`att iss iesu crist;
T`att wĭte y`e to sot`e.
& her onnfasst he borenn iss;
I dauit`t` kingess chesstre.
T`att iss y`ehatenn bet`t`leaem;
I t`iss iudisskenn birde.
& her icc wile shaewenn y`uw;
Summ t`ing to witerr tákenn.
Y`e shulenn findenn aenne child;
I winndeclutess wundenn.
& itt iss inn a cribbe ley`y`d;
& taer y`ët muy`h`enn findenn.
& sone anan se t`iss wass sey`y`d.
T`urrh an off godess enngless;
A mikell hĕre off ennglet`eod.
Wass cumenn űt off heoffne.
& all t`att hirdeflocc hemm sahh;
& herrde whatt tey`y` sungenn.
T`ey`y` alle sungenn aenne sang;
Drihhtin to lofe. & wurrt`e.
& tuss t`ey`y` sungenn alle imaen;
Swa summ t`e goddspell kit`et`t`.
Si drihhtin upp inn heoffness aerd;
Wurrt`minnt. & loff. & wullderr.
& upponn eort`e grit`t`. & frit`t`;
T`urrh godess mildheorrtnesse.
Till iwhillc mann t`att habbenn shall;
God heorrte. & gode wille.
& sone anan se t`iss wass t`aer.
T`urrh godess enngless awwnedd;
T`ey`y` wenndenn fra t`a wăkemenn.
All űt off t`ey`y`re sihht`e.
Annd tey`y` t`a sone tokenn t`uss.
To spekenn hemm bitwenenn.
Ga we nu till t`att illke tun;
T`att bet`t`leaem iss nemmnedd.
& loke we t`att illke word;
T`att iss nu wrohht onn eort`e.
T`att drihhtin godd uss hafet`t` wrohht;
& awwnedd t`urrh hiss are.
& sone anan d`ey`y` y`edenn fort`;
Till bet`t`le|aemess chesstre.
& fundenn sannte mary`e t`aer;
& iosaep hire macche.
& ec t`ey`y` fundenn t`aer t`e child;
T`aer itt wass ley`y`d i cribbe.
& ta t`ey`y` unnderrstodenn wel;
T`att word tatt godess enngless.
Hemm haffdenn awwnedd off t`att child;
T`att tey`y` t`aer haffdenn fundenn.
& ta t`ey`y` wenndenn hemm onny`aen;
Wit`t` rihhte laefe o criste.
& tokenn innwarrdlike godd;
To lofenn. & to t`annkenn.
All t`att tey`y` haffdenn herrd off himm;
& sey`h`enn t`urrh hiss are.
& sone anan t`ey`y` kiddenn fort`;
Amang iudisskenn t`eode.
All t`att tey`y` haffdenn herrd off crist.
& sey`h`enn wel wit`t` ey`h`ne;
& iwhillc mann t`att herrde itt ohht;
Forrwunndredd wass t`aeroffe.
& ure laffdiy` mary`e toc;
All t`att y`ho sahh. & herrde.
& all y`hőt held inn hire t`ohht;
Swa summ t`e goddspell kit`et`t`.
& ley`y`de itt all tosamenn ay`y`;
I swit`e t`ohhtfull heorrte.
All t`att y`ho sahh. & herrde off crist;
Whas moderr y`ho wass wurrt`enn.