Ormulum admonition to kings & lords
the original text
view normalised textMat`ew t`e goddspellwrihhte sey`y`t`.
O t`iss goddspelless lare.
T`att tatt unnfaele herode king.
Wass gramm. & grill. & bolly`h`enn.
Forrt`rihht. son summ himm awwnedd wass.
Off t`att kalldisskenn genge.
T`att cumenn wass inn till hiss land;
A new king forr to sekenn.
To lutenn himm. to lakenn himm.
To buy`h`enn himm o cnewwess.
& wen iss t`att he wass forrdredd.
& serrhfull inn hiss herrte.
Forr t`att he wennde t`att tatt follc.
Upp onn himm cumenn waere.
Wit`t` strennct`e forr to nit`t`renn himm.
To wannsenn himm hiss riche.
& wel itt mihhte ben t`att he.
Wass gramm & grill & bolly`h`enn.
All forr t`e náness. forr t`att he.
Swa wollde don hiss lede.
To ben all t`ess te mare offdredd.
Off himm. & off hiss ey`y`e.
Forr 3iff t`e riche mann iss brat`.
& grimme. & tór to cwemenn;
Hiss lede t`att iss unnderr himm.
Himm dredet`t` t`ess te mare.
& tohh swa t`ehh ne till t`e follc.
Ne till t`e laferrd nowwt`err.
Niss t`att nohht t`werrt üt god inoh.
Till t`ey`y`re sawle berrhless.
T`att he be grimme. & ay`h`efull.
& brat` & tór to cwemenn.
Forr he may`y` ben swa grimme mann;
T`att he bet` lat` hiss lede.
& tatt iss ey`y`t`err himm & hemm.
Unnhalsumm to t`e sawle.
& forr t`i birrt` himm stanndenn inn.
To don wit`t` word & dede.
T`att hise lede lufenn himm.
& blettcenn himm wit`t` herrte.
Forr t`att iss himm & ec hiss follc.
God hellpe to t`e sawle.
& tohh swa t`ehh iss ned tatt he.
Dredinng. & ay`h`e sette.
Onn alle t`a t`att lufenn tot`t`.
& woh & unnsahhtnesse.
To don hemm folly`h`enn lay`h`e. & grit`t`.
All t`ey`y`re aebaere unnt`annkess;
3iff t`att tey`y` t`ey`y`re t`annkess grit`t`.
Ne kepenn nohht to folly`h`enn.
Forr miccle bettre iss to t`e mann.
Wit`t` lif. & ec wit`t` sawle.
To don all hiss unnt`annkess god;
T`an ifell hise t`annkess.